EUSKARAREN NAZIOARTEKO EGUNA
ABENDUAK 3
Abenduaren 3an, Euskararen Eguna ospatu genuen. Gure ikastetxean, emozioz, ikasketaz eta gure hizkuntza eta kulturaren aldarrikapenez beteriko eguna izan zen. Hezkuntza-komunitate osoaren inplikazioa funtsezkoa izan zen guztion oroimenean geratuko den egun honen arrakastarako.
Batxilergoko ikasleek antolatutako tailerrak sormenagatik eta kalitateagatik nabarmendu ziren. Lehen orduetatik, ikasleek eta irakasleek euskararen erabilera modu dinamiko eta dibertigarrian sustatu zuten jarduera anitzetan parte hartuz. Saioak amaitzean, irribarreek eta txaloek dena esan zuten: lan bikaina, Batxi!
Beste ekimen garrantzitsu bat talo solidarioa izan zen, Lehen Hezkuntzako 6. mailako ikasleek gidatua. Ikasle horiek, mokadu tradizional goxoa eskaintzeaz gain, Beningo umeentzat 262,30€ lbiltzea lortu zuten, gure komunitatearen laguntzari eta eskuzabaltasunari esker. Tradizioa eta elkartasuna uztartzeko modu ezin hobea!
Ikastetxeko txoko bakoitzean sentitu zen jai eta aldarrikapen giroak markatu zuen eguna, euskara hizkuntza bat baino askoz gehiago dela erakutsiz: euskara gure kulturaren bihotza da.
Egunari amaierari emateko, arratsaldean, Lehen Hezkuntzan EITB maratoiaren bideoa grabatzen egon ziren ilusio eta maitasun handiz, bihotzak erdigunean jarriz Eskutitza abestiarekin. Bigarren hezkuntzan, aldiz, Itxaso Uriarte eta Itsaso Miranda Athletic Clubeko jokalariak izateko pribilegioa izan genuen eta inspirazioz betetako mezuak utzi zituzten gure gazteentzat. Saio dinamikoa izan zen galderak egiteko eta erantzuteko tartea izan baikenuen.
Hemendik, eskerrak eman nahi dizkiegu jardunaldi hau posible egin zuten guztiei: ikasle antolatzaileei, irakasleei laguntzeagatik, familiei eta, bereziki, gure gonbidatuei denbora eta gertutasuna oparitzeagatik.
Beste behin ere, Euskararen Egunak gure hizkuntza harrotasunez bizitzearen, gozatzearen eta partekatzearen garrantzia gogorarazi digu.
Gora Madre De Dios Ikastetxe euskalduna!
Madre de Dios Ikastetxeko Normalkuntza taldea
[/fusion_text][/fusion_builder_column][/fusion_builder_row][/fusion_builder_container]
